अश्विन मलिक मेश्राम फौंडेशनतर्फे अंधेरी पूर्वेत आभा कार्ड व मोफत नेत्रतपासणी शिबीर संपन्न

मुंबई : दिनांक १७.०५.२०२३ रोजी अश्विन मलिक मेश्राम फौंडेशनने चकाला अंधेरी पूर्व येथे आयुष्यमान हेअल्थ कार्डचे मेगा शिबीर तसेच मोफत नेत्र तपासणी आयोजित केले होते.

स्थानिक रहिवाश्यांच्या प्रचंड प्रतिसादात हे शिबीर पार पडले ज्यामध्ये ४२५ हुन अधिक जन लाभार्थी ठरले. श्री नरेश कांता सावंत -शाखाप्रमुख शिवसेना (उद्धव बाळासाहेब ठाकरे) यांच्या विनंतीअनुसार अश्विन मलिक मेश्राम फौंडेशन ने आभा कार्डाचे शिबीर आयोजित करून गोरगरीब जनतेला विनामूल्य सेवा प्रदान केली.केंद्र शासनाच्या आभा कार्डात लाभार्त्याची संपूर्ण वैद्यकीय माहिती डिजिटल स्वरूपात संग्रहित असते व क्युअर कोड स्कॅन केल्याने पुनः प्राप्त करता येते.केंद्र शासनाचे आभा कार्ड हे ओळखपत्र म्हणून  पण वापर करता येते.

सदर शिबिरात वी ये मयेकर ऑप्टिशियन्स यांच्या सहकार्याने गरजू स्थानिकांना मोफत नेत्रतपासणी सेवा प्रदान करण्यात आली.प्रत्येक लाभार्त्यांच्या चेहऱ्यावर समाधानाचा भाव स्पष्टपणे दिसून आला.

फौंडेशनचे संस्थापक अध्यक्ष अश्विन मलिक मेश्राम यांच्या मतानुसार,"समाजाच्या शेवटच्या घटकांपर्यंत विनामूल्य सेवा आणि सुविधा पोहोचवणे हेच माझ्या फौंडेशनचे उद्दिष्ट होय".

स्थानिक आमदार श्रीमती ऋतुजा लटके यांनी शिबिरास भेट देऊन अश्विन मलिक मेश्राम फौंडेशनच्या भरीव कामगिरीची स्तुती केली व फौंडेशन मार्फत होत असलेल्या नियमित समाजसेवेबद्दल समाधान व्यक्त केले.तसेच शिबिरास अंधेरी विधानसभेचे संघटक श्री सुभाष सावंत यांनी आवर्जून भेट दिली.

सदर शिबिराचे नियोजन फौंडेशनचे कार्यसम्राट जन संपर्क अधिकारी -श्री विजय डोईफोडे यांच्या मार्गदर्शनाखाली यशस्वीरीत्या पार पडले.